زادو ساعة زادو مشاكل

-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-


ولينا في المغرب بحال إسبانيا و فرنسا و بلجيكا و الدول الأوربية، ماشي فالقوانين و الطرقان و داكشي زوين، راه غير في زيادة ساعة للتوقيت ديالنا. يث أفاد واحد المصدر مسؤول بوزارة تحديث القطاعات العامة أن الساعة القانونية للمملكة المغربية الموافقة لتوقيت غرينتش ستضاف إليها ستون (60) دقيقة، وذلك ابتداء من حلول الساعة الثانية عشرة ليلا من يوم السبت فاتح ماي 2010.
وهادي السنة الثالثة على التوالي للمغرب كيزيد فيها هاد السويعة، و معا كل عام تتزاد، كتشد بنادم التلفة و كايتزادو المشاكل.
كتلقا شي بنادم كاع ما زايدها و كيمشي للإدارات على حساب التوقيت لقديم، كيلقا كلشي ساد و كيبدا إعربط، كاين لي مغان كيقول و الله ما نزيدها الله عطاها لينا مصاوبا هما بغاو إرونوها، و ملي تتسول بنادم شحال الساعة كيقول ليك لقديمة و لا الجديدة.
و الحريرة لكبيرة هي تا تيولفوها الناس شوية كا يجو كيزولها و كيرجعو لقديمة بحال إلى تا هما باغين فينا الخدمة النيت.
ما عبرو غير هادوك لدايرين 2 مكانات في يديهم وحدة فيها التوقيت لقديم و حدة التوقيت الجديد. وشادين بخير