النشيد الوطني الأمازيغي

حق لهذه الابيات ان تكون نشيدا وطنيا. اهيب بكل امازيغي مخلص لقضيته ان يحفظ هذه الابيات الشعرية ويتغني بها في كل مكان

تامورت توتلاي سـ ؤمازيغ
تسّيول فلاس رّيغ

توتلاي تامورت ؤ توا تدجيمي ـد
ئفيسن د ئجرفيون تسنفيغ د تتنفيغ

أجّيم د ؤكژ نـ تمضّيوين
ارا ئنوا مي ژريغ

ءژلتيي ـد فوس أد اريغ
دي ژكوان نـ نفوسا د هوارا د صنهاجا سليغ

مانت يساوال مازيغ

مازيغ ژر ارا د تغريد
ماسينيسا د يوغرطا د ماكسن د كاباون سيسن اغ ابريد

مازيغ كر بد ئگ اوال نـ ربي گ ؤل نّك
د ئدك تانميرت نـ موحمد

تادرفت سـ تيدي نـ تيميي
د ؤل امقران تّّاسد

شك د كمين د كمّيتين د نتات
كرت د اد نسفغ تيمسي سـ ئغد

ئطيج نّغ يولي لوجنا يسلالاو
يسّاوال ماني مازيغ

يسلالاو افـ مليلا دسطوان د وهران
د وژروا نـ ئنفوسن د تمورا نـ ات مستوا د ات بن زيان

يساوال اف ئمجريسن د ات ؤغريان
د تمورا نـ ات فسّاطوا د ات كاباو د ات لالوت د ات ويلّول

يواياسن كّرت تطسم ئمول

سيولت اف ات ؤ جربا
د گبلي د تمزيرت نـ ات مطماطا

د ات سيولم اف وژرو نـ ات ملالن
د وژرو نـ جورجيرا اد كرن د اد سرغن تافيا

د اد سّيغن ئنارّن
باش اد يصفاو ئلل د ئسافّن د درارن د ئزرون

نخس تسوكرت لوجنا سيس انـ الي
انـ رني ديس انـ كر ديس

تامروصت كـ فوس ازلماط
دتمالا د ومرو نـ ؤزمور كـ فوس انفيس

ايتما د ستما سيردت ف ؤلاون
دجيغ ـاون تاغدرارت تازكرارت د ازول فلاون

تامورت توتلاي سـ ؤمازيغ
تسّيول فلاس رّيغ