مغاربة الفايسبوك تالفين كلها فين شادها

معروفة على الشعب المغربي بأنه بعض المرات تتشدوا التلفة، و عليها كا يقولو إلى تلفتي شد الأرض، و لكن هاد المرة الناس اللي تالفين شدوا الفايس بوك و طلقو شي لعيبات فشكال، كل واحد فين شادها.
المجموعة الأولى نعام أسادينا دارو يوم 20 فبراير كا يوم للإحتجاج في الشوارع ديال البلاد كاملة من طنجة حتى الكويرة، المجموعة التي يقودها شباب في الفايس بوك سماو راسهم حركة حرية و ديمقراطية الأن، و هاد الخوت كانت عندهم مطالب واضح و باينة، و هو الخروج من أجل المطالبة بخمس نقاط و هي : إلغاء الدستور الحالي في خطرة و تعيين لجنة تأسيسية من كفاءات هذا البلد النزيهة باش تحط دستور جديد يعطي للملكية حجمها الطبيعي، و كذلك من أجل إحلوا البرلمان و الحكومة و الأحزاب اللي ساهمات في ترسيخ الفساد السياسي، و كذلك القيام بإجراءات فورية حقيقية و ملموسة لتخفيف من معناة الشعب و كذلك إحداث صندوق عاجل للتعويض عن البطالة و ما نساتش حركة حرية و ديمقراطية الأن المطالبة بإطلاق سراح كافة المعتقلين السياسيين، وتعيين حكومة مؤقتة تقوم بالتدبير المؤقت في انتظار وضع الدستور وتوافق الهيئات والفعاليات النزيهة من كافة فئات الشعب على ما يجب القيام في إطار العقد المجتمعي الجديد بين الملكية والمجتمع.

المجموعة الثانية و اللي تا هي بدات واحد البادرة غريبة شي شوية من الفايس بوك اللي على ما يبدوا ولا هو مركز إنطلاق كل شيء فهاد العالم، هاد لكروب اللي فيه الشباب تا هو أطلق دعوة للمشاركة في مسيرة حب تكريما و تقديرا للملك محمد السادس، و كانت الدعوة على هاد الشكل "في تونس أقيمت ثورة الياسمين وفي مصر جمعة الغضب وذلك لكسر قيد القهر والظلم والإطاحة بالطغات، والآن نريد من كل مغربي المشاركة في مسيرة الحب يوم الأحد 6 فبراير لتكريم ملكنا العزيز، لحبه لوطنه وشعبه والسهر على تنميته و لنرسل رسالة لكل الحكام : الطاغية جزاؤه يوم الغضب و الخلع أما الصالح الذي يخدم بلاده جزاؤه مسيرة المحبة والإخلاص".

يعني بحال إلى هاد الإخوان كا يقليو السم للحكام العرب خصوصا زين الهاربين بن جري و حسني مبارك.السؤال المطروح على هاد الناس هو زعما إلى بنادم ما خرجش فهاد المسيرة ديال الحب واش ما كيبغيش الملك، أو أنهم باغيين يديرو الفتنة فهاد لبلاد بين الملك و الشعب، أو أنها خطة ديال شي حزب باغي يدير راو الداو لتمظيمة السياسية الأخرى.

على العموم الشعب المغربي غا يبقا ديما تالف معارف شنو إدير حتى في العالم الإفتراضي شداتوا و ما شادش الأرض، شاد لكلافيي و كيفتي و يشرع، شي شاد الغرب و شي شاد الشرق يا ليلي.

Ya LILI!
HADA HOWA LMAGHRIB DYALNA
التلفة،التلفة،التلفة،التلفة،,,,,,,,
هههههههههههههه

allo 3ali:had achi tabi3i 3la lamrarba obla madahcho c'est pas bizzard